Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

YB apatut manahak ponguhupan kumaa mogigion

pairin

KOTA KINABALU: Kumoduo Boyoon Montiri Sabah Tan Sri Joseph Pairin Kitingan mokianu kumaa toinsanan Puru Walai Koundangan Pogun (Adun) om Puru Parlimen id pogun diti mooi manahak ponguhupan kumaa mogigion id kinoyonon diolo montok porijistor maganu kosukupan waig noubatan.

Ka disio, lalansanon do rayat apatut monguhup mogigion kampung monuang poom ih pinosodia mooi kaanu yolo porijistoon id Koupisan Waig Pogun montok mokianu kosukupan waig paip oborisi.

“Pokionuon ku toinsanan Yang Berhormat mooi mogintong nunu koporluan bayaran pongoputan paip om meter montok monguhup tulun ginumuan ih kakal amu nokoponuang do poom pangapalaian sabap ilo nopo nga okon ko karaja koupisan,” ka disio.

Minoboros isido miagal dilo kumaa maganu khabar kalapas minonorikohon Mitingan Komiti Porkhidmatan Kosukupan Waig Pogun Sabah do hiti di tadau Kotolu.

Pairin ih ponogi Montiri Kotundaan Infrastruktur Sabah minoboros do piro-piro kinoyonon ih nokotoguang kobolihangkangan kosukupan waig id Sabah okon ko mantad amu abagalan do waig nga ih momoguno sondiri amu nakaanu minangapalai om mambarai caj pongoputan do paip om meter.

Tumanud disio, komontirian dau koilo ahal karait toguran lalansanon do rayat id kinoyonon di nokotoguang kobolihangkangan waig kisuang id Matunggong, Ulu Sugud om Kuala Penyu.

Ka disio montok mokianu kosukupan do waig paip, momoguno apatut tumanud piro-piro kooturan di pinatatap kosuang mambarai pongoputan paip om meter soginumu RM231. – BERNAMA

Komen


Berita Berkaitan