Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Yayasan Sabah potilombus papanau ababayan montok rayat

Sapawi miampai tupisor wanan Tinimungan Yayasan Sabah om mogigion mamaso popoidu tanak sada id ababayan Tagal i papaampai Kampung Bubuk, Bungaliu, Siudon om Pandasan.
Sapawi miampai tupisor wanan Tinimungan Yayasan Sabah om mogigion mamaso popoidu tanak sada id ababayan Tagal i papaampai Kampung Bubuk, Bungaliu, Siudon om Pandasan.

KOTA BELUD – Tinimungan Yayasan Sabah (YS) okon ko monumpuan noh do ababayan balajaran nga popoluas tonggungan diolo kumaa kotundaan sosioekonomi mogigion labus kakadaian.

Potunud tinimungan dilo Datuk Sapawi Ahmad minoboros ilo nopo nga laang do monokodung om momoruhang pingisaman do porinta id suang popoingkawas ningkokoton koposion mogigion id pogun diti.

“Ababayan balajaran kakal tokou potilombuson om papanahon nga id timpu dilo kotundaan sosioekonomi lolobi id labus kakadaian kakal onuan tokou ponumpuan,” ka disio.

Minoboros isido miagal dilo kumaa maganu habar kalapas tombului disio id Ababayan Desa Cemerlang om Berinovasi (PDCB) Kampung Padasan, hiti di konihab.

Tumanud di Sapawi, mogisuai-suai pingisaman papanahon do popoingkawas ningkokoton koposion mogigion id pogun diti montok monokodung pingisaman do porinta pogun om pisompuruan id piro-piro hinapadan toun nakatalib.

Ka disio, ababayan sosioekonomi nopo dilo kosuang kaganaan intelek om minda, sosioekonomi om sosiobudaya.

Ka di Sapawi, PDCB ih pinointutun mantad toun 2010 nopo nga wookon pingisaman do organisasi dilo montok monguhup poingkawas kualiti koposion mogigion id pogun diti.

Ababayan dilo kopiagal dasar transfomasi i pinapanau id onom kampong, ilo nopo nga Sebait om Sungai Padas (Sandakan), Singgaron Baru (Ranau), Pandasan (Kota Belud), Sinaron om Sook (Keningau), Lormalong (Kunak) om Lambidan (Kuala Penyu). – Dii Sitti Nor Azizah Talata / SayangSabah

Komen


Berita Berkaitan