Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Yayasan Sabah minoposoliwan osomok RM500 riong montok susumikul

yayasan sabah
KOTA KINABALU: Yayasan Sabah minoposoliwan osomok RM500 riong montok tuduan panahakan sikulasip om sakdai di suai mantad noturidong 50 toun nakatalib.

Potunud Yayasan Sabah Datuk Sapawi Bin Hj. Ahmad, minoboros do gisom baino puru Yayasan Sabah nga haro lobi 10 noribu tulun alumni ih minongoput balajaran id Kolej Yayasan Sabah mantad tinuridong ilo om sakadai kousinan montok diolo.

“Panahakan sakadai kumaa susumikul manahak waya tosonong kumaa puru Yayasan Sabah sabap sabaagi alumni, iyolo nga papanau tonggungan om manahak toluod kumaa puru Yayasan Sabah maya potilombus toi ko okon ko potilombus,” ka disio soira minanahak boboroson minopotimpuun ponutuban Bengkel Sukarelawan Yayasan Sabah id Teater Tun Hamdan, Menara Tun Mustapha, do hiti di tadau Kolimo nakatalib.

Daamot dilo karait ababayan sukarelawan Yayasan Sabah, ka di Sapawi, pogulu diti puru Yayasan Sabah haro tiim sukarelawan dau sondiri nga id ababayan dilo tinuridong miampai pointopot.

“Sukarelawan Yayasan Sabah papanau tonggungan montok monguhup mogigion ih kotoguang korumbakon misorili id longkod ponungoligan daamot,” ka disio.

Gisom baino soginumu 151 tutumanud mantad onom zon nokorijistor sabaagi sukarelawan Yayasan Sabah.- Sayang Sabah

Komen


Berita Berkaitan