Sayang Sabah Facebook

Likes
Sayang Sabah Twitter

11,791

Followers

Sayang Sabah - Portal Berita Negeri Kita

Yayasan Sabah minanakadai somok RM1 bilion montok ponulung rayat

11:31pm 10/05/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

musa-aman-600x366
KOTA KINABALU: Mantad noturidong di toun 1966, Yayasan Sabah nakapanakadai somok RM1 bilion montok manakadai mogisuai-suai ababayan montok rayat id pogun diti.

Boyoon Montiri Datuk Seri Musa Aman minoboros do sakadai dino kaampai no mambarai mogisuai-suai ababayan balajaran, kotundunan, kouhanan om kotorinaan toilaan id suang mogisuai suai bohogian.

“Sakadai di ginuno dino nopo nga kituduan montok popoburu pogun diti, lolobi no kopio maya kotundaan pomitanan tulun. Saasabap no dino Yayasan Sabah minanahak sakadai miagal do sakadai sikulasip, kotundunan, kolidasan om kopotoundaan asrama montok susumikul id Sabah,” ka disido.

Minoboros isido dino ontok pinopoimagon karamaian kouliton toun Yayasan Sabah ko-50 om kopomoiganan buuk kouliton toun ko-50 yayasan dino miampai tusin pisa kopihondot karamaian kouliton toun ko-50 i pinalabus do do Bank Negara Malaysia id doiti di koniab.

Minoboros ih Musa do, Yayasan Sabah tumilombus manahak sakadai kumaa rayat id pogun diti miampai tumanud kosimbanon timpu.

“Pokimamahaan do Yayasan Sabah id suang monulung rayat kosimban tumanud kosimbanon timpu tu evolusi dino kiguno montok mongintong pongkimamaan dino (monulung rayat) kasasari kosudong miampai kopokionuan, om kowowoyoon babaino,” ka disido.

Karait koponoimaan kouliton toun ko-50 Yayasan Sabah, ka dii Musa Yayasan Sabah nokoburu miampai tosonong kinaangayan mantad po noturidong miampai minomonsoi mogisuai suai kinalantaian montok monulung do rayat id pogun diti.

“Kinalantayan do Yayasan Sabah nopo nga barakat pirotian momuruan di nakatahib i katama om kipongintangan tosodu. Saasabap no dino mokianu oku kukumaraja Yayasan Sabah tumolombus do tumounda montok tumoguang ponginaman.

“Mositi katama tokou montok momonsoi kosimbanon toi ko kosimbanon di poposogulu toilaan om inovasi kawawagu i kaanu montok gumampot giab,” ka disio. – Bernama

Apa Komen dan Pendapat Anda

Artikel Berkaitan