Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Yahya nakaramit tombului mantad INVEST

Yahya (tanga) mamaramit pongitanan matad di Awang Buhtamam id tombului dilo.
Yahya (tanga) mamaramit pongitanan matad di Awang Buhtamam id tombului dilo.

KOTA KINABALU: Kumoduo Boyoon Montiri Datuk Seri Yahya Hussin nakaramit tombului tapantang mantad UMS Investment Holdings Sdn.Bhd (UINVEST) ih binuruan di Ponorikohon tinimungan dilo Datuk Awang Buhtamam Haji Ag.Mahmun id tupis disio id Wisma Pertanian Sabah, hiti di baino.
Tumanud di Awang Buhtamam, tombului dilo kihontolon do popogirot piuhupan id mogisuai suai kaganaan id tanga UINVEST/Universiti Malaysia Sabah (UMS) miampai Komontirian Pomutanaman om Industri Taakanon Sabah (MAFI).
Ka disio, puru disio kaanu papaharo piuhupan miampai MAFI id suang kotundaan, pidagangan om kaganaan taakanon om atag monuridong do iso longkod padagangan do taakanon montok manahak kosiwatan balajaran.
Daamot dilo, minamaramit ih Yahya tombului dilo om alansan do piuhupan om pirotian koduo-duo puru dilo kaanu popomogot siktor pomutanaman om industri taakanon pogun Sabah.
Nokaampai id tombului dilo Monunurat Tatap Komontirian Datuk Ujang Sulani, Monunurat Pulitik Komontirian Ewon Benedick, Potunud Koupisan Ponginsadaan Pogun Datuk Rayner S.Galid om boyoon ngawi koupisan om agensi id siriba MAFI. – Sayangsabah

Komen


Berita Berkaitan