Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Wonsoio SMK Langkon tosisikap: Jelani

JELANI
KOTA MARUDU: Puru Walai Koundangan Pogun (ADUN) Matunggong, Dato’ Jelani Hamdan minokianu kumaa puru nakaampai do posikap potimpuun pamansaian Sikul Menengah Kabansaan (SMK) Langkon montok komudahan tangaanak sikul.

Ka disio, atag momonsoi sikul dilo ih haro 24 bilik darjah om komudahan do suai amu naanu tinimpuunan di puru kuntiriktor mantad podii toun 2013.

Tumanud disio pamansaian do sikul dilo apatut opongoh tulan Kotolu 2015 nga naambanan om amu nakapanau sabap kobolihangkangan tiknikal.

“Oruol ginawo ku diti kokito karaja dilo ih amu poh nokotimpuun om monusa kopio mogigion kampung lolobi tangaanak sikul ih asansagan monumpang bangunan do suai,” ka disio kumaa maganu habar soira minooi tombului id tapak atag pamanaian sikul dilo do hiti.

Tumanud di Jelani, nosunudan isido do wookon nopo kobolihangkangan di mangantob potimpuun pamansaian sikul dilo nopo nga kobolihangkangan Ponilaian Waya Ahal Posorili (EIA) om nogi kobolihangkangan ponimbanan palan om gatang ih oporlu kolulusan mantad koupisan porinta pointantu. – Sayangsabah

Komen


Berita Berkaitan