Sayang Sabah Facebook

Likes
Sayang Sabah Twitter

11,809

Followers

Sayang Sabah - Portal Berita Negeri Kita

Wokok id Cinta Mata, Gudang Empat pikikiro wonsoion tulan Koonom

1:15am 05/03/2016 Maryann 0 views Abal Kinoyonon,Berita Pilihan,Kinoyonon,Tawau

Mary-Yap1-600x400
TAWAU: Pamansaian do wokok kigatang RM400 riong id Cinta Mata, Gudang Empat do hiti pikikiro timpuunan tulan Koonom diti, ka di Kumoduo Montiri Balajaran Takawas Datuk Mary Yap Kain Ching.

Yap ih ponogi Puru Parlimen Tawau minoboros ahal dilo soira pinosunud kumaa dau dii Kumoduo Potunud Koupisan Waig Pogun Sabah Teo Che Kong id pirubaan miampai dii Teo piro-piro tadau di nakatalib.

“Momuruan do Sabah amu insan pakadaada soira haro kobolihangkangan di otoguang do rayat. Momuruan id toinsanan nayatan mositi mindahu,” ka disio kumaa maganu khabar kalapas minapatahak sakadai kumaa 40 Ponorikohon Kotinanan Tina Tapa om Mongingia (PIBG) kinoyonon Parlimen Tawau di baino.

Minoboros ih Yap miagal dilo soira minongulas kobolihangkangan okurian kosukupan do waig ih notoguang do mogigion Tawau sasabap timpu magadau do babaino diti.

Poingkuro po minoboros ih Yap do laang tosopung porinta montok manalasai kobolihangkangan kabagalan do waig id Tawau nopo nga poiliu tangki waig oborosi id 10 kinoyonon Walai Koundangan Pogun (DUN) Apas, apat id DUN Balung om duo id DUN Sri Tanjong.

Ka disio, porinta nga kasaga poiliu tangki id onom poh kawagu kinoyonon id DUN Balung dan tolu id DUN Sri Tanjung. – BERNAMA

Apa Komen dan Pendapat Anda

Artikel Berkaitan