Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Wayaan mantad Timpohon – Laban Rata ukabon tadau ko-1 tulan Kosiam

malim-gunung1

KOTA KINABALU: Kalapas lobi duo tulan wayaan mindakod Nuluhon Nabalu tinutupan sasabap kinaantakan tana noguyu 5.9 skala richter ih minomoguyu watas Ranau ontok tadau ko-5 tulan Koonom nakatalib, pikikiro ilo ukabon kawagu montok tulun ginumuan mimpuun tadau ko-1 tulan Kosiam diti.

Montiri Kotombuluian, Koubasanan om Ahal Misorili Datuk Masidi Manjun minoboros do poimogonon disio sontinimungan tutumakad id tanga kukumaraja Taman-Taman Sabah mantad Timpohon kumaa Laban Rata ontok tadau Koonom diti montok monorisid ahal koumoligan poompus ralan dilo.

Miampai nakaakun wayaan kumaa id sunduk nabalu lobi osusa kalapas kinaantakan noguyu tana di nakatalib, ka di Masidi, karaja monginsonong kakal papanahon lolobi id sunduk Nuluhon Nabalu.

“Kukumaraja Taman-Taman Sabah om malim gunung momoguno do ralan dilo monikid tadau. Sabap dilo pinili tokou yolo tumanud do tumakad om mogintong kopio ralan di noinsanangan dilo otungolig kumaa toinsanan tutumakad,” ka disio soira rinuba maganu habar id walai poingukab Aidilfitri pinaanjur komontirian disio id Longkod Koubasanan Penampang do hiti di konihab.

Tumanud di Masidi, montok wayaan potilombus mantad Laban Rata gisom sunduk nabalu, puru disio kakal monginsonong kinoyonon ngawi di nangaraag. – Dii Sitti Nor Azizah Talata / SayangSabah

Komen


Berita Berkaitan