Sayang Sabah Facebook

Likes
Sayang Sabah Twitter

11,650

Followers

Sayang Sabah - Portal Berita Negeri Kita

Wayaan kawawagu kotuludan Jeju iso koburuon tosonong kopio

10:53pm 20/05/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

19 masidi
KOTA KINABALU: Popotimpuun o Jeju Airlines do wayaan kawawagu id Incheon, Korea kumaa Kota Kinabalu, tumimpuun ko-20 tulan Koturu diti, ka di Montiri Kotombuluian, Koubasanan om Sandad Posorili Sabah, Datuk Seri Panglima Masidi Manjun.

Ka disio, komponi kotuludan Koributon Korea dilo posodia soginumu 20 kotuludan potilombus mantad pomogunan nokomoi kumaa id Kota Kinabalu, Sabah di suang sominggu.

“Momusorou oku do iti iso koburuon di tosonong kopio tu kapanahak kosiwatan lobi ginumu tutumombului mantad Korea rumikod id Sabah,” ka disido kumaa maganu habar kalapas minopotimpuun ababayan ASEAN-Korea Tourism Capacity Building Workshop, do hiti di konihab.

Alansan ih Masidi do kumponi kotuludan kawawagu dilo kaanu poingkawas kawagu koburuon pomorunan kotombuluian lolobi id Sabah.

“Tutumombului Korea nopo nga sabaagi tutumombului di ogumu kumaa Malaysia, lobi no do Sabah tu piromutan tosonong id pialatan koduo-duo pomogunan diti i noturidong piro-piro linaid diti.

“Otumbayaan oku do oruhangan o tutumombului do oruhangan sinonong id timpu abantalan,’ ka disio.

Pogulu dilo minoboros ih Masidi do haro 28 kotuludan id suang sominggu miampai soginumu 704 tirikohonon dagangon do tikid tadau.

Ginumu diho kopogompit komponi kotuludan pomogunan Korea, wookon dilo nopo nga Asiana Airlines, Eastarjet, Jin Air om i abantalan, Jeju Airlines. – SayangSabah

Apa Komen dan Pendapat Anda

Artikel Berkaitan