Sayang Sabah Facebook

Likes
Sayang Sabah Twitter

11,643

Followers

Sayang Sabah - Portal Berita Negeri Kita

Watu pinisumpaan pikikiro posuangon sabaagi tinungkusan pogun: Nazri Aziz

11:21pm 12/02/2016 Maryann 1 views Abal Kinoyonon,Berita Pilihan,Keningau,Kinoyonon

batu-sumpah-muzium-600x355
KENINGAU: Watu pinisumpaan toi ko Batu Sumpah pikikiro posuangon sabaagi Tapak Warisan Negara toi ko tinungkusan pogun tumanud kosuulan dilo kumaa susuian pogun Sabah lolobi id saalom kinaampaian ponuridangan do Malaysia.

Montiri Kotombuluian om Koubasanan Datuk Seri Mohamed Nazri Abdul Aziz minoboros do Batu Sumpah dilo pinoungaran sabaagi “Objek Warisan” id siriba Seksyen 49 Akta Tinungkusan Kabansaan Malaysia 2005.

“Batu Sumpah diti nopo nga mimang haro kosuulan susuian Malaysia. Sabap dilo, mimang kosugong poungaranon ilo sabagi tinungkusan pogun. Tadau baino, impuunan tokou karaja posiliu Batu Sumpah diti sabaagi tinungkusan do pogun,” ka disio.

Minoboros isido miagal dilo kumaa maganu habar kalapas nokorongou kointalangan toniba karait Batu Sumpah id Tupis Urus Setia Watas Keningau, do hiti di baino.

Nokotindapou nogi ih Kumoduo Boyoon Montiri Sabah Tan Sri Joseph Pairin Kitingan om Montiri id Koupisan Luguan Montiri Tan Sri Joseph Kurup.

Batu Sumpah kaagal-agal ginayo tulok do gakod id toguang Tupis Watas Keningau, nopo nga monumen kisusuian tinuridong mantad podii toun 1960-an sumusuhut pibatasan do Paati Pasok Momogun miampai Porinta Pisompuruan montok mamantang kopotutan kobibasan ugama om kaadat-adaton mogigion mamasok id Sabah. – BERNAMA

Apa Komen dan Pendapat Anda

Artikel Berkaitan