Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Watas mongundi kawawagu tinuridong id Sabah: SPR

spr
KOTA KINABALU: Piro-piro watas mongundi kawawagu tinuridong id Sabah montok posinang ponorinaan pomilian tagayo om koporijistaan mongungundi.

Monunurat Suruhanjaya Pomilian Tagayo (SPR) Datuk Abdul Ghani Salleh minoboros do SPR minomonsoi pogintangan kawagu kumaa watas ngawi mongundi id pogun diti, tumanud koporijistaan pomilih ih nokoimagon ontok di ko-26 tulan Kohopod om Iso 2014.

“Haro nogi tampat di pinotulid kinoyonon dau tumanud tampat pointopot miampai momoguno aplikasi Sistom Kopoilaan Geografi babaino.

“Kotontuan pogintangan kawagu watas ngawi mongundi id Sabah dilo nokoimagon id suang Nutis Mongintutun Watas Mongundi om Longkod Mongundi Montok Bohogian-Bohogian Pomilian Tagayo Pisompuruan om Pogun Montok Sabah do SPR ko-12 tulan Koduo 2016,” ka disio id suang kointalangan do hiti di baino.

Tumanud dii Abdul Ghani, mongundi di nokorijistor id pogun diti kaanu mogintong watas om longkod mongundi toiso-iso diolo mimpuun do suab (17 tulan Koduo) gisom 1 tulan Kotolu.

Minoboros isido do kointalangan potilombus karait kinoyonon pomorisaan toi ko pogintangan do watas om longkod mongundi aanu maya portal rasmi SPR id www.spr.gov.my toi ko rumomut Longkod Tupis SPR id talipaun 03-88927000 toi ko Tupis Pomilian Tagayo Pogun Sabah id talipaun 088-488588. – BERNAMA

Komen


Berita Berkaitan