Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Walai satelit bumi mositi sikapon momonsoi pogulu timpuunan Satelit RazakSAT-2

TUARAN
TUARAN: Walai toi ko bangunan satelit bumi id Tuaran ih wonsoion id kinoyonon soginayo 7.26 ekar miampai komudahan prasarana miampai kos RM27.5 riong dilo mositi posikapon momonsoi pogulu otimpuunan satelit koduo Malaysia ilo nopo nga Satelit RazakSAT-2 ih pikikiro toun abantalan.

Montiri Sains, Tiknologi om Inovasi (MOSTI), Datuk Seri Panglima Wilfred Madius Tangau minoboros do, Satelit RazakSAT-2 do baino diti id suang porosis tender om lansanin kaanu potimpuuunon toun abantalan kalapas sopongoh kosukupan id tapak dilo.

“Prasarana toi ko kosukupan montok Satelit RazakSAT-2 kosuul kopio mooi porsodiaan montok potimpuunan satelit dilo kapanau tososonong.

“Kinoyonon Tuaran pinili sabap haro komudahan tana poinsodia om amu kapanahak waya kumaa kotunadan posorili nga poingkawas nogi gatang do hartanah id kinoyonon dilo,” ka disio kumaa maganu habar kalapas minapaharo tombului id tapak pamansaian Longkod Sains Pogun om tapak pamansaian do bangunan satelit bumi id posorili kinoyonon Laya-Laya do hiti di baino.

Ka disio, pamansaian do satelit bumi dilo kosuul kopio id pingisaman mamantau Satelit RazakSAT-2 ih mangan potimpuuno. – Sayang Sabah

Komen


Berita Berkaitan