Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Walai poingukab Tadau Krismas watas Papar

rosnah
PAPAR: Mogigion id watas diti alapon rumikot id Walai Poingukab Tadau Krismas nayatan watas diti ontok tadau ko-26 tulan Kohopod om Duo abantalan.

Ababayan miagal dilo ih kumoinsan nogi pinaharo, papanahon id Dewan Masyarakat, do hiti mimpuun jaam 10 kosuabon gisom 1 sosodopon.

Kumoduo Montiri Karaja Tagayo, Datuk Rosnah Abdul Rashid Shirlin minoboros do ababayan dilo pohoroon montok mamaramai kopogisuai-suaian ugama om koubasanan tinaru id pogun diti o miso mantad dilo nopo nga Tadau Krismas.

“Kopiagal do tema ababayan tokou toun baino “Krismas Sabaagi Pemangkin Piuludan”, alansan oku Krismas do baino diti kaanu pogirot poh kawagu piuludan di haro mantad id pogun tokou,” ka disio kumaa maganu habar kopihondot ababayan Walai Poingukab Krismas Nayatan Parlimen Papar, do hiti.

Ka disio, ababayan walai poingukab dilo silihon sabaagi iso ponginsamakan mooi kowowoyoon oulud id paganakan id pogun diti aanu potilombuson.

Suai koi ilo, puru papanau ababayan diti nga mangalap nogi tangaanak aiso molohing om tangaanak amu songkuro kohimbogui (OKU) miampai mamaramai karamaian diti. – Dii Elezebeth Esther/ SayangSabah

Komen


Berita Berkaitan