Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Walai nosorob id Sandakan

flat
SANDAKAN: Tingkat koduo di songinan apartment iyon-iyonon om nogi’ linimput komosil tolu tingkat id Bandar Ramai Ramai do hiti notutudan di sodop tadau Kaapat.

I Luguan Bomba om Mananampasi Sandakan Anddre Andrew, pinopoilo nakaramit yolo’ pamalahawan kokomoi do kinotutudan dilo’ i naantakan id Block C pongiingiyonon nokomoi doid Jalan Leila di jaam ko 10.08 totuong.

Ka disio duo injin om songinan padsakaian miampai 17 puru bomba binuruan di Upisor Totuo Bomba Noor Azizi Che Noh pinaatod doid kinoiyonon kinotutudan.

Ka di Anddre, nokorikot yolo’ do hilo’ di jaam ko 10.17 totuong om nakatalob do tapui mantad ruminalad id flat di poingoput. Aiso’ nunu-nunu kapaampai kinosindualan toi kinapataion di nokoruput om nopupusan diolo’ kinopomisokan tapui di jaam ko 11.05 totuong, ka di Anddre.

Tumanud disio, kakal do soriukon tadon tapui om nogi’ tintob kinorugian. – AA/ sayangsabah

Komen


Berita Berkaitan