Sayang Sabah Facebook

Likes
Sayang Sabah Twitter

11,791

Followers

Sayang Sabah - Portal Berita Negeri Kita

Walai kawawagu id Sabah kalis tana noguyu: JKR

12:41am 05/03/2016 Maryann 0 views Abal Kinoyonon,Kinoyonon,Kota Kinabalu

jkr
PETALING JAYA: Toinsanan reka bentuk om pamansaian walai kawawagu sinanganu porinta id Sabah nopo nga kalis tana noguyu, ka di Kumoduo Boyoon Potunud Karaja Tagayo Sektor Infra Datuk Dr Roslan Md Taha.

Minoboros isido do Koupisan Karaja Tagayo (JKR) minapatatap panduan dilo kalapas naantakan tana noguyu id Ranau, Sabah, tulan Koonom toun nakatalib.

Ka disio, JKR momoguno standard piawaian sompomogunan ‘Eurocodes’ id pamansaian toinsanan walai id Sabah, mimpuun toun diti.

“Eurocodes nopo nga garis kotonudan pinatatap id suang reka bentuk om pamansaian poposiliustruktur bangunan lobi kalis tana noguyu.

“Porojik pamansaian bangunan kawawagu Koupisan Kastam Diraja Malaysia id Kota Kinabalu mamaso papanahon tumanud Eurocodes,” ka disio kumaa Bernama.

Daamot dilo, Potunud Wanan Raan Injinoor Kogumuan om Struktur JKR, Kamaluddin Abdul Rashid minoboros do pamansaian walai kawawagu id Semenanjung Malaysia kotilombus tumanud piawaian ih haro mantad sabap ababayan seismik amu ologod koi ih naantakan id Sabah.

“Gontob gogor sabap tana noguyu id Semenanjung Malaysia nopo nga osiriba om naantakan ilo id pogun sampaping sabap dilo amu mogowit koligogon kumaa struktur bangunan,” ka disio. – BERNAMA

Apa Komen dan Pendapat Anda

Artikel Berkaitan