Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Walai daamot winonsoi montok mungui notutudan id Kg Simunul

simunul
SEMPORNA: Walai daamot kigatang somok RM1 riong pikikiro wonsoion montok manahak kosimbayanon kumaa mungui notutudan id Kampung Simunul do hiti, ka di Puru Walai Koundangan Pogun Bugaya Datuk Ramlee Marhaban.

Walai di mangan wonsoio dilo kaanu porumpos pikikiro 140 paganakan om wonsoion id timpu oruhai sabap kowowoyoon mungui notutudan do walai di asansagan mion daamot id dewan.

Ka disio, puru dau nokoruba noh di Boyoon Montiri Ketua Menteri Sabah, Datuk Seri Musa Aman montok poboros kobolihangkangan dilo om nakaanu kasagaan mantad di Boyoon Montiri montok papagaan kobolihangkangan mogigion nokomoi.

“Ounsikou tokou kumaa kosianan di Boyoon Montiri om minapasaga momonsoi walai dilo. Alansan tokou opongoh o walai dilo id suang timpu duo tulan,” ka disio.

Ka disio walai dilo kapaampai 14 blok walai tanaru miampai iso blok poiyon 10 paganakan.

Minoboros isido miagal dilo id ababayan potimpuun pamansaian walai daamot montok mungui nasaraban do walai id Kampung Simunul. – Sayangsabah

Komen


Berita Berkaitan