Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

UPKO monokodung atag kad kointutunan poimbida mogigion Sabah

Ewon Benedict
Ewon Benedict

KOTA KINABALU – Komulakan Upko monokodung laang porijistaan kawagu toi ko pamagayatan kawagu kad kointutunan ih pinalabus id Sabah om atag popointutun kad kointutunan poimbida montok mogigion Malaysia id Sabah.
Boyoon dau, Ewon Benedick minoboros do atag dii Kumoduo Boyoon Montiri Tan Sri Joseph Pairin Kitingan dilo haro merit di takawas montok manalasai ahal di nakalaid noh id pogun diti.
“Alansan o Upko ahal diti aanu manalasai om panalasaian di romiton dahai, ilo pamagayatan kawagu kad kointutunan ih pinosoliwan id Sabah moi kapanau ponoriukan di tosorisid,” ka disio.
Minoboros isido miagal dilo kumaa manganu habar kalapas minonutub Bengkel Asas Kotungoligan Kotutudan Louting pinaanjur Koupisan Bomba om Manampasi.
Ka disio, komiti tiknikal dilo apatut amu intangan sabagi komiti kukumaraja porinta noh, nga apatut papaampai paati politik id pogun diti montok popogirot ralan panalasaian.
Tumanud di Ewon, tinuridong do Barisan Nasional (BN) Sabah o iso komiti modidikot songkosuaian ih ponorikohon dau ih Pairin om minapaatag isido moi komiti dilo piomungon miampai komiti tiknikal. – SayangSabah

Komen


Berita Berkaitan