Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Uniborsiti kogumuan, kada kadalaai tumaid kousinan porinta

ums
KOTA KINABALU: Uniborsiti ngawi kogumuan id Malaysia amu obuli adalaan tumaid do kousinan mantad Koporintaan Longkod sabap puru porinta nga ogumu tonggungan om kowowoyoon ekonomi sompomogunan do babaino di amu songkuro osonong.

Naib Canselor Universiti Malaysia Sabah (UMS) Prof. Datuk Dr. Mohd Harun Abdullah, minoboros do tadon misorili om kaangayan di haro mantad id kaganaan akuakultur om pomutanaman milo potundaon gisom kaanu manahak kosuulan okon nopo ko sabaagi bahan ponontudukan om ponoriukan nga milo potundaon ssabaagi pomorunan dii poimbulai kousinan montok uniborsiti.

“Uniborsiti swasta amu karamit nunu-nunu sakadai mantad porinta nga kotilombus iyolo kotunda om komogot id pomogunan balajaran om kaanu mogihum pandapatan sondiri do potilombus,” ka disio soira minanahak boboroson id Ababayan Amanat Naib Canselor id Dewan Canselor UMS, do hiti di konihab.

Tumanud dii Harun, kalapas tolu toun nokoindalan o EcoCampus id UMS, nakaanu mamagampot rikoton miagal di pinatatap om nakaanu nogi minongikit balanja lotirik lobi RM2 riong om waig nga nokikit pomogunaan miampai kinoinsiribaon soginumu 15.5 pihatus.

“Kopiagal dilo rikoton do uniborsiti montok mamagampt rikoton tagayo EcoCampus, UMS id siriba ponguludan Longkod Pongurusan EcoCampus mamaso id porosis potunda Longkod Kitar Semula UMS maya porojik CSR do Binapuri Sdn. Bhd, soginumu RM1 riong,” ka disio. – SayangSabah

Komen


Berita Berkaitan