Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

UMS mingisom popoingkawas ningkokoton id mogisuai suai kaganaan

Mohd Harun (gibang) mamaramit pongitanan mantad Dekan Fakulti Seni, Warisan om Kemanusiaan, Universiti Malaysia Sabah (UMS), Prof Datuk Mohd Hamdan Adnan. – foto Monica Gidong
Mohd Harun (gibang) mamaramit pongitanan mantad Dekan Fakulti Seni, Warisan om Kemanusiaan, Universiti Malaysia Sabah (UMS), Prof Datuk Mohd Hamdan Adnan. – foto Monica Gidong

KOTA KINABALU – Universiti Malaysia Sabah (UMS) mingisom tumilombus popoingkawas ningkokoton id mogisuai suai kaganaan kosuang balajaran, ponoriukan, inovasi om kalantaian nayatan sompomogunan.

Naib Canselor dau, Prof. Datuk Dr. Mohd. Harun Abdullah minoboros do kopiagal ilo rikoton balajaran pogun ih papalabus mogigion Malaysia di kitoilaan, kowowoyoon tosonong, kitonggungan om kaanu mamagampot koposion tosonong potilombus manahak toluod kumaa katanangan pogun diti.

Tumanud disio, balajaran id pogun diti nopo nga pingisaman potilombus kumaa poposindak kaangayan misosongulun om nogi papalabus mogigion di kopiadang id kowowoyoon tosonong om komilaan takawas.

“Apatut tokou poposindak komilaan sosongulun miampai miadang okon nopo ko id balajaran nga kowowoyoon tosonong montok papalabus mogigion Malaysia di kibalajaran takawas om sonong kawawayaaon,” ka disio.

Minoboros isido miagal dilo soira minapabantang kartas karaja kitulu ‘Tonggungan Sistom Balajaran Pogun Papalabus Tinimungan Atarom Pomusarahan id Sompomogunan pogun Sabah, id Sominar Sabah Id Suang Kotundaan Sosioekonomi, id Dewan Resital UMS.

Ka di Mohd. Harun, balajaran nopo nga ponuang tagayo montok kotundaan sosial, ekonomi pogun om nogi poposindak kreativiti om inovasi mnmontok tinimungan komulakan. – Dii Monica Gidong / Sabah

Komen


Berita Berkaitan