Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

UMS minanain Pibatasan miampai Zunyi Medical University

ums

KOTA KINABALU: Universiti Malaysia Sabah (UMS) konihab minanain Memorandum Pibatasan (MoA) miampai Universiti Perubatan Zunyi mantad China montok monuridong iso makmal piuhupan id kaganaan toilaan pongubatan doung koubasanan.

Id ababayan dilo, UMS nobian dii Timbang Canselor dau Prof Datuk Dr Mohd Harun Abdullah om Huang Hua Ling mobi do Universiti Perubatan Zunyi.

MoA dilo manahak ponumpuan kumaa ponoriukan saintifik sompomogunan om monuridong iso tinimungan akademik, balajaran sains om tiknologi om monoluod kumaa kotundaan ikonomi Watas Guizhou id kotonobon China om Malaysia maya intodonon labus.

Universiti Zunyi kiharo kinaangayan tosonong id pongubatan doung koubasanan China. Id timpu di miagal, UMS nga minanain Memorandum Pirotian miampai Yun Fook Resources Sdn Bhd montok miuhup id suang kotundaan ladang tenusu id watas Keningau.

UMS nobian dii Dr Mohd Harun om Yun Fook Resources nobian dii Datuk Yap Yun Fook. MoU dilo montok pisokodungan togirot id pialatan koduo-duo bohogian doid balajaran kokomoi pomukobunan tenusu, pingludaan id koponorinaan kotingoligan taakanon, pingklludaan pomorunan, ponoriukan om nogi pialaan susumikul om pakakaraja. – BERNAMA

Komen


Berita Berkaitan