Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Umno Sabah mongunsub porinta maganu laang okodou kumaa dii dalang ‘Deklarasi Rakyat’

12:45am 27/03/2016 Maryann 1 views Abal Kinoyonon,Berita Pilihan,Kinoyonon,Kota Kinabalu,Pulitik

musa umno
KOTA KINABALU: Umno Sabah mongunsub porinta maganu laang tokodou kumaa dalang-dalang Tinimungan ‘Deklarasi Rakyat’ ih monompuronok sistom demokrasi borparlimen pogun.

Boyoon Montiri Sabah, Datuk Seri Panglima Musa Hj. Aman minoboros do Umno Sabah minomonsoi katatapan mooi Kounsil Takawas Umno mitimung do osisikap montok mogiboboros laang tokodou ih apatut onuon montok momuruan om puru paati di nakaampai id tinimungan ‘Deklarasi Rakyat’.

“Umno Sabah nga mambantah om monulak tinimungan dii binuruan dii Tun Dr Mahathir Mohamed miampai momuruan ngawi DAP, PKR, AMANAH, om puro-piro kotinanan okon ko porinta maya tinimungan ‘Deklarasi Rakyat’,” ka disio.

Minoboros isido miagal dilo kumaa maganu habar kalapas minonorikohon mitingan Kotinanan Piromutan Umno Pogun Sabah id Bangunan Umno Sabah do hiti di konihab.

Suai ko ilo, ka di Musa, Umno Sabah nga dumandi tumilombus kumaraja montok madtamong korukunan om kosimbayanon do rayat Sabah.

“Yahai id Umno Sabah manahak sokodung poimponu kumaa dii Datuk Seri Panglima Mohd Najib Tun Abdul Razak sabaagi Porosidin Umno om Ponorikohon Barisan Nasional Malaysia.

“Umno Sabah nga manahak sokodung poimponu om potimporon dii Datuk Seri Panglima Mohd Najib Tun Abdul Razak tumilombus momuruan pogun sabaagi Luguan Montiri Malaysia,” ka disio.

Nokotindapou id mitingan dilo, Montiri Piromutan om Multimedia, Datuk Dr Salleh Said Keruak, Kumoduo Boyoon Montiri Datuk Seri Panglima Haji Yahya Hussin, Montiri Kotombuluian, Koubasanan om Ahal Posorili Datuk Seri Panglima Masidi Manjun, Montiri Komulakan om Sipoot Datuk Haji Tawfiq Hj Abu Bakar Titingan om Montiri Kotundaan Mogigion om Ahal Momoguno Datuk Hajah Jainab Ahmad Ayid. – Dii Elezebeth Esther/SayangSabah

Apa Komen dan Pendapat Anda

Artikel Berkaitan