Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

UMNO Penampang monokodung di Najib, poindisan ‘Deklarasi Mahathir’

3:51pm 12/03/2016 Maryann 1 views Abal Kinoyonon,Kinoyonon,Kota Kinabalu,Pulitik

mahathir-600x366 (1)
PENAMPANG: UMNO Bohogian Penampang potimporon manahak sokodung kumaa di momuruan paati ih pinili maya ralan pointopot, ka di Boyoon dau Datuk John Ambrose.

Sabap dilo, ka disio UMNO Bohogian Penampang poindisan do ‘deklarasi Mahathir’ ih kaagal agal patanom pulitik kopongihit do rayat kumaa paati UMNO om porinta Barisan Nasional.

“(Deklarasi Mahathir) amu manahak waya kumaa (UMNO Bohogian Penampang) sabap mantad timpuun poh pinoindisan dahai isai nopo ih sumaap di Luguan Montiri Datuk Seri Najib Tun Razak sabap isido nopo nga pinili pointopot maya sistom demokrasi,” ka disio.

Minoboros isido miagal dilo kumaa maganu habar pogulu minopotimpuun mitingan Umno Bohogian Penampang do hiti di kosodop.

Minoboros isido do mongunsub o UMNO Bohogian Penampang laang disiplin onuon kumaa di momuruan UMNO di nakaampai id suang manain deklarasi dilo om miuhup miampai susumaap.

Sabap kowowoyoon diolo miagal diti nopo nga pointalang kasala id porlombagaan UMNO ih papagaris do kooturan mooi toiso-iso puru dau mositi taat setia kumaa momuruan paati om momiara kosimbayanon do paati, ka disio. – BERNAMA

Apa Komen dan Pendapat Anda

Artikel Berkaitan