Sayang Sabah Facebook

Likes
Sayang Sabah Twitter

11,675

Followers

Sayang Sabah - Portal Berita Negeri Kita

UMNO KK manahak sokodung poimponu kumaa Najib

1:08am 28/03/2016 Maryann 1 views Abal Kinoyonon,Berita Pilihan,Kinoyonon,Kota Kinabalu,Pulitik

faisal
KOTA KINABALU: UMNO Bohogian Kota Kinabalu (KK) potilombus manahak sokodung poimponu kumaa kopomuruanan di Datuk Seri Najib Razak sabaagi Porosidin parti om Luguan Montiri.

Boyoon dau, Datuk Faisyal Yusaof Hamdain Diego minoboros do UMNO Bohogian Kota Kinabalu miampai talad ngawi do paati, ilo nopo nga Komulakan, Koonduan om Puteri iso ginawo poindisan deklarasi rakyat ih pinaanjur montok paratu di Datuk Seri Najib.

“Toinsanan raan UMNO bohogian Kota Kinabalu nga momonsoi usul montok poindisan do deklarasi dilo id mitingan ontok tadau ko-1 tulan Kaapat gisom ko-1 tulan Kolimo abantalan,” ka disio.

Minoboros isido miagal dilo kumaa maganu habar id karnival sipoot UMNO bohogian Kota Kinabalu, do hiti di tadau baino.

Suai ko ilo, ka disio laang bagas Luguan Montiri Tun Dr Mahathir Mohammad ih miuhup miampai paati susumaap do papaharo deklarasi dilo nga sabaagi iso ahal di kopoikum ikum.

“Sabaagi songulun negarawan, amu daa isido apatut momonsoi miagal dilo sabap sokiro haro nunu ahal di amu kasantaban do ginawo, milo isido mambantah momoguno ralan di lobi pointopot.

“Iti nopo nga pogun demokrasi, sokiro manu mongolon do momuruan pogun, mositi tokou tumanud ralan demokratik ilo nopo nga id pomilian tagayo abantalan toun 2018,” ka disio. – Elezebeth Esther/SayangSabah

Apa Komen dan Pendapat Anda

Artikel Berkaitan