Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

UMNO Bohogian Putatan mongunsub puru ih kaampai id ‘Deklarasi Rakyat’ tatakon tosisikap

9:57am 17/03/2016 Maryann 2 views Abal Kinoyonon,Kinoyonon,Kota Kinabalu,Pulitik

umno
KOTA KINABALU: UMNO Bohogian Putatan mongunsub toinsanan puru paati dilo ih miuhup tinimungan ‘Deklarasi Rakyat’ toi ko hombo-hombo nopo puru di haro ponginsamakan di miagal mooi tatakon toi ko iduon mantad paati tosisikap.

Kumoduo Boyoon Montiri Datuk Seri Panglima Haji Yahya Hussin minoboros do UMNO Bohogian Putatan mambanta ‘Deklarasi Rakyat’ ih binuruan dii bagas Luguan Montiri om puru susumaap.

Minoboros isido miagal dilo id pitimungan habar kalapas minonorikohon do Mitingan Komiti Umno Bohogian Putatan, id Wisma Pertanian Sabah, do hiti di konihab.

Tumanud disio, kowowoyoon monuhu di Luguan Montiri poiliu ningkokoton nopo nga iso ralan okon ko demokratik.

“Monokodung yahai poimponu kumaa kopomuruanan di Luguan Montiri Datuk Seri Panglima Mohd Najib Tun Abdul Razak sabaagi Porosidin UMNO om sabaagi Luguan Montiri Malaysia.

“Monokodung nogi yahai di momuruan YAB Datuk Seri Panglima Musa Hj. Aman sabaagi ponorikohon Kotinanan Piromutan Umno Pogun om sabaagi Boyoon Montiri Sabah,” ka disio.

Sabap dilo, Yahya ih ponogi Kumoduo Boyoon Umno Bohogian minoboros do mitingan dilo kotumboyo do mogiboboros pitimungan tounan raan Umno 2016 ih pikikiro kapanau ko-18 tulan Kotolu gisom ko-1 tulan Koiso toun diti. – SayangSabah

Apa Komen dan Pendapat Anda

Artikel Berkaitan