Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ukabon kotonudan sugandoi nayatan Bandaraya Kota Kinabalu

sugandoi

KOTA KINABALU: Dewan Bandaraya Kota Kinabalu (DBKK) mongukab kotonudan pialaan Sugandoi Nayatan Bandaraya Kota Kinabalu 2016 kumaa mogigion kakadaian diti.

Pialaan dilo ukabon montok toinsanan tulun mamasok Malaysia mantad tinaru Kadazan Dusun om Murut ih kiumur id sawat 18 toun.

Tutumanud di nokoumbal nosiliu bontugan Sugandoi Nayatan Pogun toi ko Sugandoi Nayatan Bandaraya Kota Kinabalu amu kosudong tumanud pialaan diti.

Pomilian nopo nga pohoroon tadau ko-5 om ko-6 tulan Kolimo diti (tadau Kaapat om Kolimo) jam 6.30 sosodopon gidom 10.00 totuong id Dewan Mesyuarat, tingkat 1, DBKK, om tutumanud di rumikot tomod nopo nga pasagaon nogi.

Soginumu 30 tulun tutumanud pillion montok pusingan suku kolimpupuson ih pohoroon id Oceanus Waterfront Mall tadau ko-8 tulan Kolimo (tadau Minggu) jam 10.00 kosuabon gisom ko-1 sosodopon.

Soginumu 15 tulun tutumanud pillion id piintangaan kolimpupuson ih ponoroon jam 2 sosodopon gisom ko-6 sosodopon id tampat om tadau di miagal.

Limo tutumanud finalis pillion id nayatan kolimpupuson ontok tadau ko-13 tulan Kolimo jam 6.30 sosodopon gisom ko-10.30 totuong id Padang Merdeka.

Tukad koiso om koduo mongobi DUN Api-Api om Likas id nayatan pogun. Tukad koiso, koduo om kotolu kaanu tutungkap tusin RM2,500, RM2,000 om RM1,500, miampai piala om sijil kotonudan. Tukad kaapat om kolimo nopo nga kaanu tutungkap RM500 om sijil kotonudan. – SayangSabah

Komen


Berita Berkaitan