Sayang Sabah Facebook

Likes
Sayang Sabah Twitter

11,726

Followers

Sayang Sabah - Portal Berita Negeri Kita

UCSF minapaanjur Youth Talent Festival 2016

11:45pm 20/02/2016 Maryann 5 views Abal Kinoyonon,Kinoyonon,Kota Kinabalu

ucsf
KOTA KINABALU: Komontirian Komulakan om Sipoot kasasari manahak sokodung om sakadai kumaa komulakan ngawi id pogun diti montok papaanu diolo popointalang komilaan.

Montiri dau Datuk Hj. Tawfiq Datuk Abu Bakar Titingan minoboros do sokodung potilombus dilo montok mogintong kopio toinsanan komulakan kaanu kosiwatan do mamagampot hontolon id komilaan dilo.

Minongunsub nogi isido kumaa komulakan ngawi id pogun diti mooi monuridong do kotinanan toi ko kolab komulakan.

“Toiso-iso kolab komulakan ih nokorijistor id siriba Kotinanan Komulakan kaanu sakadai tusin soginumu RM1,000 om onuan nogi kousinan RM5,000 monikid toun montok papanau ababayan diolo,” ka disio.

Minoboros isido miagal dilo soira minanahak boboroson id ababayan Youth Talent Festival 2016 id University College Sabah Foundation (UCSF), do hiti di baino.

Tumanud di Tawfiq, kopoonjuran pialaan miagal dilo iso impohon tosonong montok komulakan popokito komilaan diolo id nayatan takawas.

Pialaan dilo tinanud soginumu 50 tutumanud poimpuli pogun om pomilian papanahon id USCF gisom suab. Pialaan kolimpupuson pohoroon id longkod momoli boli Centre Point ko-27 om ko-28 tulan Koduo diti. – Dii Leolerry Lajius/Sayang Sabah

Apa Komen dan Pendapat Anda

Artikel Berkaitan