Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tutumombului Jepun id Sabah nokoingkawas 40,000 tulun

Hirofumi (gibang) miboboros miampai di Tun Juhar Mahiruddin (wanan) id Istana pogun. – foto Jabatan Penerangan
Hirofumi (gibang) miboboros miampai di Tun Juhar Mahiruddin (wanan) id Istana pogun. – foto Jabatan Penerangan

KOTA KINABALU – Yang Dipertua Pogun Sabah, Tun Juhar Mahiruddin minamaramit tombului tapantang mantad Boyoon Tupis Konsul Jepun id Sabah, Hirofumi Morikawa, id Istana Pogun.

Hirofumi ih nokotimpuun kumaraja id pogun diti tulan Koonom 2012 mundaliu id Medan, Indonesia kolimpupuson tulan diti.

Piro-piro kinoburuon tosonong nokito poompus karaja disio kosuang nogi komudahan tutumulud potilombus mantad Kota Kinabalu kumaa id Tokyo, Narita, intolu somingu.

Suai koi lo, kinorikatan do tutumombului mantad Jepun kumaa id pogun diti nga noruhangan mantad 35,000 tulun di toun 2013 kumaa 40,000 tulun toun nakatalib.

“Iti popokito Kota Kinabalu nointutunan kopio do Jepun sabagi iso ririkoton nointutunan, ogumu nogi susumikul mantad Jepun minongoput balajaran id Sabah. Noruhangan ilo mantad walu kumaa 24 tulun,” ka disio. – SayangSabah

Komen


Berita Berkaitan