Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Turu lokusop korita om kadai kakamot id Labuan nonuan kopoingatan

bengkel kereta
LABUAN: Tipis Komontirian Pidagangan Suang Pogun, Koporasi om Momoguno Labuan minoposoliwan surat kopoingatan kumaa lokusop ngawi korita om kakamot do hiti mooi tumanud kooturan id siriba Akta Kaantaban Gatang om Anti Pencatutan 2010.

Puru monguasa dilo minopoindalan karaja tadau Koisoo sumusuhut kumpilin tulun ginumuan ih maganu baraian kukumaraja om kakamot pamaganti di oindamaan akawas.

Tupisor monguasa dau Mohd Fikri Lai Abdullah minoboros do turu kadai id kinoyonon pomorunan Rancha-Rancha om poinsomok Sg Kinabenua pinorisa om nonuan kopoingatan mooi popokito tanda gatang kakamot pamaganti om baraian kukumaraja kumaa momoguno.

“Amu yolo obuli mokianu baraian miampai poboroson noh do aiso tanda gatang, kooturan om caj kukumaraja id kadai diolo montok intangan momoguno,” ka disio id iso kointalangan do hiti di konihab.

Wookon nopo kadai di pinorisa nga Wong Brothers Workshop and Services Sdn Bhd, AMW Workshop Sdn Bhd, Advance Mobile Workshop, Sykt Labuan Automobile Sdn Bhd, Ghee Hua Co. Sdn Bhd, Mega Jaya General Services om Wong Hup Auto Trading. – BERNAMA

Komen


Berita Berkaitan