Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Turidongo Skim Rondaan Sukarela id KRT

bobbey

NABAWAN –Ponuridangan do Skim Rondaan Sukarela (SRS) id piro-piro Kinoyonon Rukun Tetangga (KRT) id watas diti kosuul sabaagi laang madtamong koumoligan om pangantaban kasalaan tawagat.

Kumoduo Montiri Kotundaan Infrastruktur, Datuk Bobbey Suan minoboros do sundung koumoligan id watas diti kakal aantaban om kaantakan kiis kasalaan tawagat kakal osiriba nga laang miintong-intong om madtamong koumoligan apatut onuan pogintangan.

Ka disio, tumanud rikod puru pulis, koumoligan id watas diti kakal aantaban om kiis kasalaan tawagat nga amu kotongob.

“Sundung do ingkaa mogigion amu apatut kolihu toi kooling sabap kaantakan kasalaan tawagat aantakan id hombo nopo om amu oilaan do isai om soira aantakan ilo,” ka disio.

Bobbey ih ponogi Puru Walai Koundangan Pogun (ADUN) Nabawan minoboros miagal dilo soira minanahak boboroson potimpuun Ababayan OBB: Skim Rondaan Sukarela (SRS) “Osomok id Ginawo om Kointalangan Koumoligan Pulis Diraja Malaysia (PDRM)” nayatan watas Nabawan id Balai Budaya Kampung Murni D, do hiti di konihab. – Dii Kalawon Sawing / SayangSabah

Komen


Berita Berkaitan