Sayang Sabah Facebook

Likes
Sayang Sabah Twitter

11,800

Followers

Sayang Sabah - Portal Berita Negeri Kita

Tumutuk do Sabah pointutun koubasanan miuhup

10:44pm 20/05/2016 Maryann 0 views Abal Kinoyonon,Kinoyonon,Kota Kinabalu

19 berbasikal
KOTA KINABALU: Mimbosikol Tumutuk Sabah 360 pinaanjur do Kotinanan Veteran ATM Pogun Sabah (PVATM) pointutun koubasanan orohian miuhup id tanga momoguno talun alun lolobi kumaa padsakaian tongokoro.

Yang Dipertua PVATM Sabah, Zaman Bayang minoboros do pintutukan dilo kitulu ‘Share The Road’ posindak kopurimanan id tanga momoguno talun alun mooi haro koubasanan miuhup talun alun montok kolidasan om koumoligan toinsanan momoguno lolobi padsakaian tongokoro miagal bosikol.

Suai koi lo, pintutukan osongulunan dilo kituduan pogirot piombolutan id tanga PVATM miampai toinsanan mogigion om nogi pointutun kinoimbulaion do PVATM Sabah sabaagi iso kotinanan di aparagat miampai puru 5000 tuun.

Mimbosikol osongulunan, Kapten (B) Zulkiflie Ibrahim, 46, minoboros do pintutukan dilo nopo nga toput mantad pintutukan kumoiso disio mantad Kampung Sematan, Lundu, Sarawak kumaa Simpang Mengayau, Kudat ontok tadau ko-27 tulan Kaapat nakatalib.

“Pintutukan diti mongobi mogigion di orohian sipoot mimbosikol om pointutun wayaan mimbosikol id pogun diti.

“Maya pintutukan diti popokito tokou do Veteran ATM kasasari poinsodia manahak ponguhupan kumaa mogigion sokiro gunoon do pogun,” ka disio.

Wookon nopo watas di otoliban id pintutukan dilo nga Tawau, Kinabatangan, Kalabakan, Sapulut,Ulu Keningau, Sindumin om Beaufort. – SayangSabah

Apa Komen dan Pendapat Anda

Artikel Berkaitan