Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tulun kinoyonon pinokianu amu mongumolig do PATI

Ruji-Ubi

TAWAU: Boyoon Tupisor Eksekutif Kinoyonon Koumoligan Poimbida Kosilahon Sabah (Esscom) Ruji Ubi minokianu kumaa tulun mogisuai-suai tinaru id Sabah kosuang tulun kinoyonon Suluk mooi miiso om popokito kopurimanan guminawo pogun miampai amu mongumolig modidikot songkosuaian aiso kasagaan (PATI).

Minoboros isido do kosuul ilo montok mongilo kopio Sabah, lolobi id Zon Atampasi Kosilahon Sabah (Esszone) koidu mantad PATI, om potilombus popoidu piromutan tulun taraat dumarapas piolitan ih poposiliu wookon do PATI sabaagi mananahak kopoilaan.

“Korikatan do modidikot aiso kasagaan diti nokopoimbulai ginumu kobolihangkangan kaampai noh kobolihangkangan sosial, sotinggan id kokompungan waig om ponoludupan.

“Haro nogi id tanga diolo ih nosiliu ‘tali barut’kumaa mononongoi mantadpomogunan somok miagal dii naantakan pogulu diti.

“Mantad dilo, toinsanan puru kosuang tulun kinoyonon Suluk i ogumu id bohogian tidan kosilahon Sabah apatut misokodung miampai Esscom montok manalasai kobolihangkangan modidikot aiso kasagaan … miiso tokou apantod, mitongkiad tokou ohumput,” ka disi

Minoboros isido miagal dilo soira minanahak boboroson mongukab puasa miampai Koisaan Koubasanan Suluk Bajau Tawau om Permuafakatan Masyarakat Suluk Sabah (MPSS) id Walau Adat Suluk, Batu 4, somok hiti di tadau Kotolu.

Nokotindapou nogi ih Komander Esscom Datuk Abdul Rashid Harun, Kumoduo Komander Brig Jen Datuk Md Rahim Mohamad, Ponorikohon Koisaan Koubasanan Suluk Bajau Tawau Datu Lukman Datu Shabiddin om Monunurat Kounsil Permuafakatan Suluk Sabah (MPSS) Mohd Zaki Harry Susanto. – BERNAMA

Komen


Berita Berkaitan