Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tulun ginumuan alapon tumanud “Kokol Hill Challenge”

kokol
KOTA KINABALU: Ababayan mogusa “Kokol Hill Challenge” kumoinsan nogi pinaharo kisinodu 17 kilometer iso impohon montok popointutun do Kokol sabaagi rikoton kotombuluian.

Panaung ababayan dilo Mohd Joh minoboros do suai ko ilo, ababayan dilo nga manahak kopurimanan kumaa mogigion mooi kasasari posogulu kolidasan do tinan.

Tumanud disio, ababayan dilo nopo nga montok monimung toluod montok patahakon kumaa
Gereja St.Joseph om Gereja Basel om nogi Sekolah Rendah Kokol ih poinsumpak id poompus wayaan mogusa dilo.

“Rikoton nopo dahai nga papaharo ababayan diti intolu monikid toun. Toun diti haro 500 tutumanud miampai yuran kotonudan soginumu RM120 songulun.

“Alansan yahai kotonudan do ababayan diti oruhangan id timpu abantakan,” ka disio om minoboros do ababayan diti nakaanu ponguhupan mantad mogigion kampung posorili Kokol.

Ababayan dilo haro apat bohogian, ilo nopo nga bohogian kokusaian om koonduan veteran (kiumur 40 toun id sawat) om bohogian kokusaian om koonduan poingukab (kiumur 18 toun id sawat). – Dii Leolerry Lajius/Sayangsabah

Komen


Berita Berkaitan