Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tulun ginumuan alapon mamaramai Tadau Poingukab TLDM Sabah

TLDM-3-600x400
KOTA KINABALU: Tulun ginumuan alapon rumikot mamaramai Tadau Poingukab Armada TLDM Sabah mimpuun suab om suab dino (30 tulan Kaapat gisom ko-1 tulan Kolimo), mimpuun jam 8 kosuabon id Jeti Pelabuhan Kota Kinabalu kopihondot karamaian Kouliton Toun Ko-82 Susumangod Rahat Diraja Malaysia (TLDM).

Panglima Wilayah Laut 2, Laksamana Muda Datuk Khairul Anuar Yahya minoboros do wookon nopo ababayan kagayat ginawo nga Kotombuluian Kapal Susumangod om Selam TLDM, Boat Ride, Pokikitanan kawad senyap, restoran poingapung, pokikitanan koupisan om agansi porinta.

Karait Kapal Ronda KD Perak, ka disio, ilo nopo nga iso mantad duo kapal ronda kawawagu ih nosiliu aset tagayo sayap koumoligan pogun montok monulung om manampung koporluan karaja di takawas montok poingkawas pangantaban koumoligan id kowoigan pogun diti.

“Suai ko kapal Diraja (KD) Kedah om Perak, TLDM Sabah momoruhang duo poh kawagu aset miagal dilo montok mogintong kopio haro asset portahanan di kabagal.

“Pomoruhangan nopo dilo nga sombohogian mantad Ababayan Transformasi Armada tinimungan diti montok mantamong id kowoigan pogun diti miampai agansi monguatkuasa koumoligan di suai,” ka disio.

Minoboros isido miagal dilo id ababayan Koktel Miampai Yang Dipertua Pogun Sabah, Tun Dr Haji Juhar Haji Mahiruddin om sawo disio Toh Puan Norlidah R.M Jasni id Jeti Palabuhan Kota Kinabalu, totuong konihab. – SayangSabah

Komen


Berita Berkaitan