Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tulun araat nokosung id parangkap sondiri

 Douglas (duo mantad gibang) mogintong sinapang tongus ih naahau mantad di natandasan.– foto Kalawon Sawing

Douglas (duo mantad gibang) mogintong sinapang tongus ih naahau mantad di natandasan.– foto Kalawon Sawing

KENINGAU – Songulun kusai kinoyonon ih solinaid diti ihumon do pulis sabap kasalaan momoguno dadah minooi ruput sondiri di Balai Pulis Watas Keningau, konihab.

Tumanud Boyoon Pulis Watas, Deputi Superitendan Douglas Taong, ih natandasan kiumur 42 toun, haro rikod kasalaan tumanud Seksyen 3 (a) Akta Dadah Berbahaya ADB 1952 tinahan pikikiro jam ko 3.25 sosodopon.

Ka disio, kaagal oilalaan do pulis soira minongoi ih natandasan rikot id balai pulis montok rumuba di tambalut dau ih mamaso pointahan id lukap balai pulis Keningau di tadau nokomoi.

“Hasil pomorisaan kumaa korita di natandasan ih pinoiliu id soliwan do kaunter tupis ponguhatan balai pulis, nabantalan tokou iso sinapang tongus, 57 tinan timah id suang kutak, kikotumbayaan ginuno sabagi piluru om siam padang samurai soninaru 63.5 sentimeter,” ka disio kumaa maganu khabar, hiti di songkosodop.

Ka disio, ih natandasan do babaino diti tinahan daamot gisom suab (7 tulan Koduo). Kiis dilo soriukon tumanud Seksyen 6 (1) Akta Bahan-Bahan Hakisan Letupan om Senjata Berbahaya 1958 ih kopogowit tolungku amu kolobi turu toun toi ko adanda amu kolobi RM10,000 toi ko koduo-duo dilo sokiro oilaan nakasala. – Dii Kalawon Sawing / SayangSabah

Komen


Berita Berkaitan