Sayang Sabah Facebook

Likes
Sayang Sabah Twitter

11,798

Followers

Sayang Sabah - Portal Berita Negeri Kita

Tulan Pongompunan: Osonong raramit tulun ginumuan

10:18pm 29/04/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

pendapat
KOTA KINABALU: Laang Dewan Bandaraya Kota Kinabalu (DBKK) papaharo tulan pongompunan caj tikit poundarangan korita montok toinsanan tikit om tikit poundarangan korita gisom tadauko-10 tulan Koonom abantalan nakaanu raramit tosonong mantad tulun ginumuan.

Kogumuan diolo moboros do laang papaharo tulan pongompunan dilo kaanu papagaan tingorit di notoguang tulun ginumuan om manahak kopurimanan kumaa momoguno do kasasari manahak pogintangan karait ahal diti id timpu abantalan.

Jacy Benedict, 52, minoboros do ababayan dilo kosudong kopio mangan papanaho montok manahak kosiwatan kumaa momoguno do mambarai bayaran notimung.

“Ababayan diti nopo nga kangaam kopio sabap momoguno mambarai noh caj baraian kopio ginuno poiliu korita om amu ontokon do caj toi ko danda do suai,” ka disio.

Boboroson dii Jacy nakaanu sokodung dii Timothy Turin, 58, ih minoboros do ababayan dilo nopo nga kosudong om lansanon pingisaman dilo mangan potilombuso id timpu abantalan.

“Montok mogintong kopio tulun ginumuan lobi karati potilombus karait ababayan diti, puru DBKK kaanu doti posokot do poster id tampat ngawi di pointantu sabap korohian do mogigion do babaino diti mambasa surat kabar noingkurian nodii,” ka disio.

Tumanud dii Abd. Jalil Ting, 26, sundung aiso korita nga osonong raramit disio laang miagal dilo.

Kopoindalanan do ababayan dilo kapanahak kosuulan kumaa lobi 20,000 tulun momoguno di noonuan do notis mooi mambarai baraian notimung. – SayangSabah

Apa Komen dan Pendapat Anda

Artikel Berkaitan