Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tua’ rangalau minogowit kapataion

rambutan
KENINGAU: Sasabap tua rangalau songulun kusai nolohing id Kampung Likowon, Sook noiduan ginawo tinibas om tinotok miampai 28 bagas notibas di manangaman dau pikikiro jam 10.00 kosuabon tadau ko-22 tulan Koiso nakatalib.

Boyoon Pulis Watas Keningau Deputi Supritendan Polis (DSP) Douglas Nyeging Taong minoboros do mungui, Angah Bin Angamai 85, niduan ginawo tinibas di natandasan id tolikud walai dau.

Ka disio, mantad kointalangan di naramit, iso tinimungan pulis mantad Koupisan Ponoriukan Kasalaan Tawagat (JSJ) IPD Keningau binuruan dii Boyoon Bohogian dau ASP Lee Nyuk Kim minooi id tampat dilo.

“Mantad ponoriukan, ontok tadau ko-23 tulan Koiso pikikiro jam 10.00 kosuabon songulun mororobuat id kampong dilo minooi di dumo nokobontol rata id bawang Bonor, Sook.

Ih sasi minooi pomisunud tulun kampung om minooi poruput id balai pulis Keningau” ka disio kumaa maganu habar id katanya IPD do hiti di baino.

Minoboros ih Douglas do mantad ponoriukan potilombus noilaan do tadon kinaantakan dilo sabap ih natandasan amu osontob ginawo di mungui minooi panganu tua rangalau id tolikud walai dau.

Ih natandasan ginakom tadau ko-23 tulan Koiso pikikiro jam 4.30 sosodopon miampai dangol sabaagi barang bukti kininaru 61 cm. – Dii Kalawon Sawing/Sayangsabah

Komen


Berita Berkaitan