Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

TTAR kakal koporumpos ginumu tutumombului: Masidi

20 masidi ttar
KOTA KINABALU: Montiri Kotombuluian, Koubasanan Om Ahal Misorili Datuk Seri Panglima Masidi Manjun minoboros do pulou ngawi id Taman Tunku Abdul Rahman (TTAR) kakal kanu porumpos do ginumu korikatan tutumombului.

Tumanud disio, had tampungan id piro-piro pulou id TTAR nopo nga katalib mantad ginumu tampungan di pinatatap id timpu koundarangan miagal Toun Wagu Sina.

Ka disio, tumanud ponoriukan had tampungan ih winonsoi toun 2014, Pulau Sapi noh nakatalib ginumu miagal di pinatatap.

Minoboros isido miagal dilo soira minonimbar ponguhatan di puru walai koundangan pogun Bongawan, Datuk Mohamad Alamin id pitimungan walai koundangan pogun, do hiti.

Tumanud dii Masidi soginumu 396,097 tutumombului nokotindapou id TTAR poompus toun 2015 om soginumu 60 pihatus mantad ginumu dilo nopo nga tutumombului songkosuaian soginumu 238,228 tulun.

“Sokiro babakon tumanud pulou, pulou goos ogumu tutumombului nopo nga Pulau Sapi (161,761 toi ko 41 pihatus), Pulau Manukan (122,070 toi ko 31 pihatus), om Pulau Mamutik (96,519 toi ko 24 pihatus), om topod nopo nga Pulau Gaya,” ka disio. – SayangSabah

Komen


Berita Berkaitan