Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

TPM minamarayou kinaangayan do Sabah manalasai korumbakan luyud

banjir-sabah-4
BEAUFORT – Kumoduo Luguan Montiri Tan Sri Muhyiddin Yassin minamarayou kinaangayan do Komiti Koumoligan Pogun (JKN) om Kounsil Koumoligan Pogun (MKN) Sabah id suang manalasai kobolihangkangan luyud id pogun diti.

Osontob ginawo disio miampai laang osikap do JKN, ih ponorikohon dau Boyoon Montiri Sabah Datuk Seri Musa Aman, om MKN pogun id suang mongurus mogisuai-suai koupisan om puru porinta do monguhup munggui luyud id Sabah mantad piropiro tadau nakatalib.

“Osontob ginawo ku dilo kokoriu taakanon om tinumon nga kabagal, porkhidmatan kolidasan nga osonong om waig nga oborisi om kabagal. Aiso nogi kumpilin naramit,” ka disio.

Minoboros isido miagal dilo kumaa maganu habar kalapas minongoi tombului mogigion dii naantakan do luyud id Membakut.

Pogulu dilo, minongoi nogi ih Muhyiddin tombului id longkod poundolihan daamot id Sekolah Menengah St Patrick, Membakut om minokinongou boboroson toniba karait kowowoyoon do luyud mantad Monunurat Porinta Pogun Tan Sri Sukarti Wakiman om Tupisor Watas Beaufort Mohd Shahid Othman.

Nakaampai ih Musa, Montiri Kesejahteraan Bandar, Pomuwalaian om Porinta Kinoyonon Datuk Rahman Dahlan om Monunurat MKN pogun Rodzi Md Saat. – Bernama

Komen


Berita Berkaitan