Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

“Touch Sensor Switch” manahak nasip kumaa SMK Bandaraya

smk bandaraya

KOTA KINABALU – Pomudolian toi ko reka ciptaan nointutunan sabaagi “Touch Sensor Switch”, minanahak konosipan kumaa susumikul SMK Bandaraya ih linansan dii Waldo Michael, Elsie Marianne Wilfred om Ainelly Ajuin.

Iti sabap asil inovasi om piomungan pomusaharan diolo nakaanu kotolu-tolu diolo nosiliu bontugan om nakaanu “Anugerah Harta Intelek Negara” nayatan pogun toun diti.

Soira rinuba maganu habar id ababayan dilo, minoboros ih Walco Michael do pomusarahan momonsoi Touch Sensor Switch nokoimbulai soira nokito diolo poopuian lotirik toi ko suis elektrik ih gunoon do babaino diti amu mesra alam.

“Nokito dahau suis koubasanan amu mesra alam sabap soira oyopos longon tokou mamaso paapui toi ko monodos do suis nga akaran lotirik, sabap dilo minomonsoi yahai produk montok kotungoligan toinsanan momoguno,” ka disio.

Tumanud di Walco, sabaagi porsiapan tinimungan dau lumansan Sabah kumaa nayatan kabansaan, insanangan diolo o porduk dilo moil obi osoding kumaa momoguno.

Montok pamalanan timpu tanaru alansan isido aanu padagangon o produk dilo kumaa toinsanan momoguno id Malaysia. – Dii Sitti Nor Azizah Talata / SayangSabah

Komen


Berita Berkaitan