Sayang Sabah Facebook

Likes
Sayang Sabah Twitter

11,808

Followers

Sayang Sabah - Portal Berita Negeri Kita

Tonggungan RT mositi poundolihon: Kurup

11:01pm 28/02/2016 Maryann 0 views Abal Kinoyonon,Kinoyonon,Kota Kinabalu

KURUP
KOTA KINABALU: Tonggungan toi ko fungsi Rukun Tetangga (RT) mamaso diti mositi poundolihon kopiagal dilo impohon ngawi porinta, ka di Montiri id Koupisan Luguan Montiri Tan Sri Joseph Kurup.

Minoboros isido do, kosudong ilo sabap RT mositi sumiliu longkod kopoundolihan toi ko transformasi ekonomi lolobi id kinoyonon labus kakadaian ih momoru kotundaan.

“Porojik ngawi kotundaan ekonomi mositi pimparagatan montok poingkawas do pandapatan RT potilombus mongukab kosiwatan pakarajaan kumaa mogigion kinoyonon,” ka disio.

Minoboros isido miagal dilo id ababayan Pitimungan Koimpuunon Toun Koupisan Piuludan Pogun om Intergrasi Nasional (JPNIN) Sabah 2016 om Pamagatangan Porojik Inovasi JPNIN Sabah, id Kompleks Pentadbiran Koporintaan Pisompuruan Sabah do hiti di konihab.

Pinokianu nogi di Kurup o puru JPNIN Sabah manahak ponguhupan kumaa KRT ih haro taangayan lolobi Jiran Muda ih orohian poimbulai pomusarahan inovasi om ekonomi diolo.

“Otumbayaan tokou do tinimungna komulakan do babaino diti osima kopio pomusarahan di kreatif ih kaanu gunoon id suang poimbulai toiso-iso produk ih haro kaangayan takawas id pongindopuan,” ka disio.

Tolu porojik inovasi ginatang do JPNIN Sabah, ilo nopo nga ‘ Flood Alert System’ mantad SMK Tamparuli, ‘Cloth Folding Machine’ tinimungan mongingia Tabika Perpaduan Tuaran om ‘All About You’ mantad Petronas. – Dii Elezebeth Esther/ SayangSabah

Apa Komen dan Pendapat Anda

Artikel Berkaitan