Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tonggungan do KRT lobi agayo: Kurup

jainab 15

KOTA KINABALU – Mogigion id Kinoyonon Rukun Tetangga (KRT) do babaino diti okon nopo ko kitonggungan do popoingkawas piuludan mogigion nga kitonggungan nogi madtamong kotungoligan mogigion id kinoyonon toiso-iso diolo, ka di Montiri id Koupisan Luguan Montiri Tan Sri Joseph Kurup.

Ka disio, sabaagi tanda pamagatangan kumaa sokodung do KRT id suang kotundaan mogigion pogun diti, pinosodia do porinta balanja tounan montok popomilo KRT papanau karaja toi ko ababayan diolo.

“Maya kousinan tounan di pinalabus maya Koupisan Piuludan Pogun om Integrasi Nasional (JPNIN), alansan o porinta kaanu monguhup do KRT lolobi id pogun diti,” ka disio.

Minoboros isido miagal dilo soira minanahak boboroson id ababayan Pitimungan Semarak Padu id Auditorium Kompleks Pisompuruan, hiti do tadau Koonom nakatalib.

Soginumu 903 KRT poimpuli Sabah, potilombus poposiliu Sabah pogun goos ogumu KRT.

Id ababayan dilo, soginumu 25 lalansanon KRT mantad Kota Kinabalu, Penampang, Putatan, Papar om Tuaran nakaramit kousinan tounan RM6,000 ih pinotunui di Kurup.

Nokotindapou id ababayan dilo Montiri Kotundaan Pogun om Ahal Momoguno Datuk Jainab Ahmad om Posurujaya Pulis Sabah Datuk Jalaluddin Abd Rahman. – Dii NUZIR ANDI SAMSIAR

Komen


Berita Berkaitan