Sayang Sabah Facebook

Likes
Sayang Sabah Twitter

11,642

Followers

Sayang Sabah - Portal Berita Negeri Kita

Tondu wookon apat tinahan haro bakakuk, dadah

11:44pm 04/01/2016 Maryann 0 views Abal Kinoyonon,Kinoyonon,WP. Labuan

gari1
LABUAN: Polis Labuan minanahan apat tulun kinoyonon kosuang songulun tondu sabap haro raifal winonsoi sondiri toi ko bakakuk om dadah kosodop.

Toinsanan di natandasan kiumur id pialatan 30 om 40 toun tinahan miampai tolu raifal om piluru guli om 6.53 gram dadah sintetik syabu id Ralan Tanjung Kubong jam 3 sosodopon.

Kumoduo Boyoon Pulis Watas Labuan DSP Mohd Ibrahim Mohd Ghani minoboros do toinsanan di natandasan tinahan daamot apat tadau om songulun tondu tinahan tolu tadau tumanud Seksyen 8 Akta Senjata 1960 om Seksyen 39 A (1) Akta Dadah Berbahaya 1952.

“Tinahan yolo duo korita paronda mamaso papanau karaja mogigionton id posorili Kampung Tanjung Kubong soiar noilaan korita Toyota Land Cruiser ih sinakai diolo pinoiliu id tisan do ralan id kowowoyoon mosi-rosi.

“Soira minapaharo pomorisaan tinan, nabantalan do pulis tin aluminium kisuang 37 straw haro dadah kikotumbayaan syabu id pakit sorual songulun natandasan.

“Asil pomorisaan potilombus, nabantalan nogi pulis duo raifal id suang korita dilo om iso poh kawagu nokito id suang parit amu osodu mantad kinoyonon dilo,” ka disio. – BERNAMA

Apa Komen dan Pendapat Anda

Artikel Berkaitan