Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tondu tinahan, nakaampai id 10 kiis manakau om monipu tulun nolohing

wanita 18
SANDAKAN: Naanu do pulis minanalasai 10 kiis manakau om monipu kapaampai tulun nolohing miampai nagakom songulun tondu kiumur 39 toun.

Mongigit daamot Boyoon Pulis Watas Sandakan Supt Fadzil Mohd Ali minoboros do tondu di nakaampai dilo tinahan id ponugkuan iso walai id Batu 4 di tadau Koiso tulan Kotolu nakatalib.

Ka disio, piro-piro barangan naahau mantad tondu nokomoi kosuang nogi kakamot pomolumis kigatang RM8,000.

“Onom kiis manakau om apat kiis monipu pinoruput id pialatan tadau ko-27 tulan Koonom 2013 gisom 22 tulan Koiso nakatalib id posorili kakadaian Sandakan, Bandar Ramai-Ramai, Jalan Leila, Batu Sapi, Bandar Kim Fung om Bandar Indah,” ka disio id pitimungan manganu habar do hiti.

Ka disio, modus operandi tondu nokomoi nga mimpura-pura kotutun diolo om monulung toi ko manahak tutungkap.

Ka di Fadzil tondu dilo amu po nakasawo om aiso rikod kasalaan tagayo, kakal tinahan daamot pogulu dawaon id kuut. – Bernama

Komen


Berita Berkaitan