Sayang Sabah Facebook

Likes
Sayang Sabah Twitter

11,789

Followers

Sayang Sabah - Portal Berita Negeri Kita

‘Tondu’ monsinding popokito susu soriukon: DBKK

10:06pm 22/01/2016 Maryann 1 views Abal Kinoyonon,Kinoyonon,Kota Kinabalu

bogel-1-600x366
KOTA KINABALU: Dewan Bandaraya Kota Kinabalu (DBKK) mamaso monoriuk koulalahon songulun kusai kaagal-agal tondu “pundan” ih monondig miampai popokito sombohogian susu dau id longkod momoli boli do hiti di kawawagu.

Rakaman video popokito kowowoyoon ‘tondu’ dilo nokosibar id laman sosial. Id rakaman dilo okito ih ‘tondu’ mamaso suminding om ompoton iso tinimungan buskers nakaanu minamagayat tulun ginumuan miintong om mamarakam do pokikitanan dilo.

Kikotumbayaan do ih ‘tondu’ nokomoi sigog om minooi tanud toomod di tinimungan buskers monsinding. Tinimungan buskers dilo naalap do pongurusan longkod momoli boli nokomoi paharo pokikitanan momolihis.

Datuk Bandar Kota Kinabalu, Datuk Abidin Madingkir, minoboros do nosunudan noh disio tupisor dau monoriuk kinaantakan dilo om amu daa apatut aantakan kinaantakan dilo lolobi id tampat tumpuan tulun ginumuan.

“Nosunudan oku do ‘tulun ginumuan’ mingkarakata dilo sigog ih rinikot om tinanud toomod dii tinimungan buskers ih mamaso paharo pokikitanan monsinding.

“Porosidin Buskers Sabah nga minomoromut nogi doho om minoposunud doho do ‘tulun ginumuan’ dilo okon ko susuminding diolo nga sigog ih rinikot toomod minooi ponsinding miampai diolo,” ka disio soira rinomut do BH do hiti di konihab. – BH Online

Apa Komen dan Pendapat Anda

Artikel Berkaitan