Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Tombului IPD kumaa atlet paralimpik pogun

11:28pm 04/01/2016 Maryann 1 views Abal Kinoyonon,Keningau,Kinoyonon

atlet-ipdKENINGAU: Atlet Paralimpik Pogun Felicia Mikat ih nakamanang tolu pingat amas id Sipoot Para ASEAN 2015 id Singapura kolimpupuson toun nakatalib nakaanu pogintangan mogisuai-suai puru kosuang nogi koupian, agensi porinta om kotinanan okon ko porinta.

Di kawawagu, Longkod Tupis Pulis Watas (IPD) Keningau amu noiduanan paharo tombului id walai paganakan di atlet dilo id Kampung Kipaku Tambunan om minapatahak toluod sondiri Boyoon Pulis Watas kopihondot karamaian Tadau Krismas om Toun Wagu 2016.

Boyoon Pulis Watas Keningau Deputi Superintenden Polis (DSP) Douglas Nyeging Taong minoboros do tombului om panahakan toluod dilo sabaagi sokodung om manahak pongunsub kumaa dii Felicia mooi kotilombus kalantoi id timpu abantalan.

Ka disio, id ilo kapanahak kotumbayaan kumaa mogigion karait kosianan mantad Polis Diraja Malaysia (PDRM ) IPD Keningau nopo nga kosianan montok toinsanan mogigion.

“PDRM lolobi id IPD Keningau okon nopo ko manahak patasalan kumaa pangantaban kasalaan tawagat nga monginsomok nogi yahai mogigion kinoyonon maya mogisuai-suai ababayan mogigion” ka disio kumaa maganu habar soira minapaharo tombului kumaa paganakan atlet paralimpik dilo.- Dii Kalawon Sawing/Sayangsabah

Apa Komen dan Pendapat Anda

Artikel Berkaitan