Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Toluod koubasanan id tulan Ramadhan

iftars1

SANDAKAN: Boyoon Montiri Datuk Seri Musa Aman minoboros do ababayan manahak toluod kumaa tinimungan asnaf, tina osongulunan om tangaanak aiso molohing iso koubasanan porinta poompus tulan Ramadan.

Tumanud disio, koubasanan dilo pinapanau mantad poh di laid om nokotilombus gisom baino dit momuruan porinta kihontolon mogintong kopio mogigion di mokianu sakadai kaanu gogompi tosonong.

Ka disio, panahakan toluod miagal dilo nga montok papagaan tingorit mogigion poompus tulan Ramadhan om nogi id posodiaan mamaramit Aidilfitri.

Minoboros isido miagal dilo id ababayan panahakan toluod om ababayan Iftar Ramadhan pinaanjur Koupisan Ahal Poimbida (JASA) Sandakan id Masjid At-Taqwa Taman Merpati, Sandakan.

Nokotindapou nogi Monguhup Montiri Koporintaan Kinoyonon om Pomuwalaian Pogun Datuk Zakaria Haji Mohd Edris; Puru Parlimen Libaran, Datuk Juslie Haji Ajirol; Potunud JASA, Ustaz Manaf Haji Lakariba om Kumoduo Porosidin Kounsil Kakadaian Sandakan, Haji Mohd Hamsan Awang Supain.

Musa ih ponogi lalansanon Sungai Sibuga minoboros do, kotonudan do mogigion miampai porinta id suang poposindak sunduan miuhup nga kosuul nogi montok mamagampot nunu nopo ih pinalan montok kotundaan pogun. – AA/Sayangsabah

Komen


Berita Berkaitan