Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tolu tinahan kiharo sogirit soludup

rokok seldp

KENINGAU – Pulis minanahan songulun kusai kinoyonon om duo koonduan tulun songkosuaian sabap kikotumbayaan kiharo sogirit soludup mamaso rondaan id Batu 4 Jalan Keningau-Sook.

Boyoon Pulis Watas, Deputi Superitendan Douglas Nyeging Taong minoboros do mantad rondaan dilo ih pinapanau tada uko- 28 tulan Koonom nakatalib tinahan do pulis iso korita Proton Iswara Sedan, ih pinapanau songulun kusai om duo tondu poinsakai.

“Mantad pomorisaan potilombus, nabantalan do pulis sogirit id korita dilo. Wookon nopo barang dii naahau nga korita Proton Iswara Sedan, 364 kutak sogirit mogisuai-suai ngaran, kigatang pikikiro RM30,000, 60 tinan pangapui, siam linopot sigup salak om 50 koping sogirit karatas (cigarrette paper).

“Toinsanan dii naahau nigitan kuminaa id balai pulis Keningau montok laang potilombus om ih natandasan tinahan montok ponoriukan,” ka disio.

Tumanud disio, kiis dilo soriukon tumanud Seksyen 135 (1) (D) 1967 Akta Kastam. – Kalawon Sawing / SayangSabah

Komen


Berita Berkaitan