Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tolu ahal rikoton montok potunda DUN Karambunai

JAINAB-3
INANAM – Tolu ahal agayo, Koborisian, Kougamaan om Koumoligan, rikoton montok popotunda om popomogot kinoyonon Walai Koundangan Pogun (DUN) Karambunai.

Puru Walai Koundangan Pogun (Adun) Karambunai Datuk Jainab Ahmad Ayid minoboros do ilo nopo nga waya karaja di nopili montok monguhup popotunda do mogigion id kinoyonon nokomoi.

“Koborisian nopo nga ahal di kosuul kopio. Papaharo tokou pitabangan momorisi posorili kampung miampai mogigion kampung montok mangalai mogisuai-suai toruol miagal Aedes, sobu tikus om ogumu poh,” ka disio.

Minoboros isido miagal dilo soira minongukab Ababayan “Jalinan Kasih Pemimpin bersama Masyarakat Kampung” pinaanjur Kawasan Rukun Tetangga Kampung Cenderakasih, Inanam, hiti di songkosodop.

Tumanud di Jainab, ahal koduo nopo nga ababayan kougamaan apatut papanahon momoruhang komilaan agama id tanga mogigion lolobi kopio sukod wagu pm potilombus mangalai kowowoyoon tangaraat.

Ahal kotolu nopo nga koumoligan, tumanud disio, ponuridangan do Kawasan Rukun Tetangga (KRT) poimpuli pogun diti kaanu popogirot koumoligan id kinoyonon kampung. – SayangSabah

Komen


Berita Berkaitan