Sayang Sabah Facebook

Likes
Sayang Sabah Twitter

11,745

Followers

Sayang Sabah - Portal Berita Negeri Kita

Toinsanan puru mositi popilipat pingisaman: Musa

11:12am 02/12/2015 Maryann 0 views Abal Kinoyonon,Berita Pilihan,Kinoyonon,Kota Kinabalu

musa
KOTA KINABALU: Toinsanan bohogian, kaampai no kotinanan ngawi okon koporintaan (NGO) momoomoguno mositi do popilipat pingisaman manahak kointalangan kokomoi kapatutan ngawi kopomogunaan kumaa toinsanan bohogian tulun ginumuan, lolobi id kinoyonon labus kakadaian.

Boyoon Montiri Sabah, Datuk Seri Musa Aman minoboros do iti kigunoo tu momoomoguno di kitoilaan, kikabaahan om haro koimauan kaanu lumipantai mogisuusuvai ahal om pogumbalan kopomogunaan do baino diti.

Minoboos isido do norikot no timpu dino do koilo o momoomoguno songkuro guno dilo kuasa momoomoguno do papatantu dagang di lobi osonong om aadang.

“Kopomogunaan kosuang toinsanan koposion, kaampai no ponguludan kousinan, pangangakan tolidas, panamangan sandad posorili om nogi koumoligan bakaang.

“Id ahal diti, tuduan koiso do koporintaan nopo nga montok monuridong tulun mogigion momoomoguno di haro winakas koimauan om nogi popoburu pasaran om ekonomi pogun,” ka disido ontok minopolombus pason kopotimpuunann Tadau Momoomoguno Nayatan Pogun Sabah, id soliwan do walai Wisma Wanita, do hiti.

Nokotindapou nogi ih sawo disio Datin Seri Faridah Haji Tussin, Montiri Kotundaan Mogigion om Ahal Momoguno Sabah Datuk Jainab Ahmad om i Potunud do Komontirian Pidagangan Suang Pogun, Koporasi om Kopomogunaan (KPDNKK) Severinus Tukah.

Linohou nogi dii Musa o pininggisoman om kogompitan do NGO Momoomoguno i pinopokito pinggisoman do monoguang ahal ngawi kopomogunaan id nayatan sunsud.

“Mantad dilo, monuhu oku do toinsanan NGO mooi do tumilombus oporokis om papakawas toguangon tososondiri mooi do korikatan diolo om kuasa do momoomoguno totootopot opurimanan maya karaja pisompuruan do mongilo kopio koumoligan kumaa kounalan do momoomoguno kasasari atampasi,” ka disido. – Dii Dewiana Tinggolongon / sayangsabah.

Apa Komen dan Pendapat Anda

Artikel Berkaitan