Sayang Sabah Facebook

Likes
Sayang Sabah Twitter

11,823

Followers

Sayang Sabah - Portal Berita Negeri Kita

Toinsanan puru mositi miuhup poingkawas balajaran

1:38pm 28/03/2016 Maryann 4 views Abal Kinoyonon,Berita Pilihan,Kinoyonon,Kota Kinabalu

musa
KOTA KINABALU: Porinta pogun miampai porinta longkod lolobi Komontirian Balajaran kasasari miuhup om miangkawot montok poinkawas kalantaian balajaran id pogun diti.

Boyoon Montiri Sabah, Datuk Seri Panglima Musa Haji Aman minoboros do piuhupan ttoinsanan puru kosuul sabap kalantaian do balajaran nopo nga kosiliu pogirot kopoingkawasan sinonong kopoposion rayat pogun diti.

“Otumbayaan oku miampai komitmen om pingisaman kukumaraja id balajaran, miampai disiplin om koporuon do susumikul ngawi, miampai sokodung poimponu puru sikul, komolohingan om mogigion lobi ogumu kalantaian agampot,” ka disio.

Minoboros isido miagal dilo id kopotimpuunan Ababayan Pengiktirafan Kecemerlangan Akademik (MEKAR) Koupisan Pogun Sabah, id Pan Pacific Sutera, do hiti di kosodop.

Suai koi lo ka disio kalantaian balajaran id tanga susumikul popokito koingkawasan tosonong monikid toun.

“Sundung do kinalantaian Gred Purata Pogun (GPN) Sijil Pelajaran Malaysia (SPM) toun 2015 popokito kinoinsiribaon tokuri nga otood okou sabap ginumu susumikul di nakapaas toinsanan mato balajaran minopokito kinoingkawasan ilo nopo nga mantad 40.47 pihatus kumaa 48.44 pihatus di toun 2015,” ka disio. – SayangSabah

Apa Komen dan Pendapat Anda

Artikel Berkaitan